.
الحمدلله على قضاءه وقدره ...
30-3-2011
قصيدة رثاء في اخي عبد الرحمن حمدان( ابو مشعل) ... بعنوان
(( البقاء لله ))
البقاء للبنـادم فـي حياتـه محـال
كل نفس ٍ تمـوت ويختـم كتابهـا
والقضاء والقدر نافذ ولابـه جـدال
قدرة الله على المخلـوق يرضابهـا
مالنا الاّ الرضى والصبر والابتهـال
دعوة ٍ من صميـم القلـب يدعابهـا
يابو مشعل عسى رحمة عزيز الجلال
معك فالحفـره اللـي هلّـوا ترابهـا
اسأل الله لك التثبيت عنـد السـؤال
حين روحك تعود ويبـدي حسابهـا
ماحصلك جعل تكفيـر والذنـب زال
الشهـاده مـن المعبـود تحضابهـا
فوق قبرك عسى يمطر صدوق الخيال
من مزون ٍ يشوق العيـن صبابهـا
ينبت الشيح واليشموم في كل جـال
عطرها مع نسيم الصبـح يزهابهـا
من فراقك حزنت ودمع الاعيان سال
آه ياصعب فرقـا العيـن لاحبابهـا
لو الاعمار تشرى كان سقت الحـلال
كان روحي وماملك عنـك نفدابهـا
كنت للطيب والمعروف مضرب مثال
ماتهمك ضـروف الوقـت واتعابهـا
الكرم من خصالك حيها من خصـال
ماتعـب فالمراجـل غيـر طلابهـا
ابن عباد يشهد من خيـار الرجـال
وقفتك معه وقفـت طيـب يحكابهـا
وامّك اللي دعت لك في ظلام الليـال
دعـوة الام تقبـل وانتـه اولابهـا
ابشر ابشر وعفو الله وسيع المجـال
رحمة الله عسى تفتح لـك ابوابهـا