البارحـه ليلـي هواجيـس وافكـار
وعيني من الهاجـوس زايـد بلاهـا
متعجب(ن)فيما سمعته مـن اخبـار
واقـول يـاالله لاتـطـول مـداهـا
ماغير انا والريح تصفق باالاشجـار
ونجوم ليل(ن)شعشعت فـي سماهـا
ودام القلم ترجـم احاسيـس شعّـار
وجزل القصايـد عالي(ن)مستواهـا
عهد(ن)علي وناقـض العهـد بـوار
لابلـغ النفـس العليـلـه دواهــا
ربعي مخلف تعتـزي حـزّت الثّـار
ماتلحـق النفـس الحزينـه هواهـا
مادامنا نمشي علـى كـف الاقـدار
نبـدا بـهـا ماهمـنـا منتهـاهـا
اجدادنا في هاالزمـن مثـل الاثـار
وافعالهـم باالطيـب كلـن حكاهـا
فكوا الدخيله يوم صار الـذي صـار
بذيك الليالـي ويـل منهـو نساهـا
والياسمعنا هرجـة انسـان ثرثـار
نلحق علـى نفسـه ونلعـن ثواهـا
ياالشاعر المسكيـن لاتشعـل النـار
اعرف صواب النفس واعرف خطاها
ماكل طير(ن)له جناحيـن قـد طـار
ولاكل مـن هـاز الطويلـه رقاهـا
ولاكل رجال(ن)علـى الغبـن صبّـار
البعـض يصبـر علّهـا ياعسـاهـا
وبعض الرجال تذوق امرار وامـرار
مااحد(ن)عرف وش قدمها وش وراها
اقولها مادمت مـن نسـل الاحـرار
ولاكـل رجل(ن)قالـهـا احتمـاهـا
نبقى على مر الزمـن خيـر تذكـار
غصب(ن)على ملقوفهـا وحسداهـا
[/poem]
